நடிகை த்ரிஷா அவரைப்பற்றி வெளியாகும் பல வதந்திகளுக்கு ஆவேசமாக பதிலளித்துள்ளார்.த்ரிஷா தெலுங்கு படங்களில் பிசியாக நடிக்கிறார். அங்கு ஒரு படத்தில் நீச்சல் உடையில் நடிக்க கூடுதலாக ரூ.25 லட்சம் சம்பளம் கேட்டதாக வதந்தி பரவி உள்ளது.
மேலும் த்ரிஷாவுக்கு வயதாகி விட்டது. இளம் நடிகர்கள் அவரை ஒதுக்குகிறார்கள் என்றும் செய்தி பரவி உள்ளது.
இவற்றுக்கு பதில் அளித்து திரிஷா ஐதராபாத்தில் அளித்த பேட்டியில் அவர் கூறியதாவது, எனக்கு வயதாகி விட்டது என்கின்றனர். 29 வயதுதான் ஆகிறது.
இதெல்லாம் பெரிய வயதா? ஐஸ்வர்யாராய் நாற்பது வயதில் கதாநாயகியாக நடிக்கிறார். ஸ்ரீதேவி வயதான பிறகும் திறமையாக நடிக்கிறார். இவர்களுடன் என்னை ஒப்பிடுவது சரியல்ல என்றாலும் எனது நடிப்புக்கு வயது பிரச்சினை அல்ல.
தெலுங்கில் சில வருடங்களுக்கு முன் நடித்த 'வர்ஷம்' படத்தில் எப்படி இருந்தேனோ அதே மாதிரி தோற்றத்தில் தற்போது வெங்கடேஷ் ஜோடியாக 'பாடிகார்ட்' படத்தில் நடித்து வருகிறேன்.
இளம் கதாநாயகர்களுடன் ஜோடி சேர்ந்துள்ளேன். ஒரு படத்தில் ஆபாசமான உடையில் நடிக்க என்னை கேட்டதாகவும் அதற்கு சம்பளத்துக்கு மேல் கூடுதலாக ரூ.25 லட்சம் கேட்டதாகவும் வதந்திகள் பரவி உள்ளன. அப்படி யாரிடமும் கேட்கவில்லை. அவ்வாறான உடையில் நடிக்க வேண்டிய அவசியம் இல்லை.
மலையாளம், தமிழ் மொழிகளில் பாடிகார்ட் படம் வந்துள்ளது. அவற்றில் அசின், நயன்தாரா நடிப்பை பார்த்து அவர்கள் பாணியில் தெலுங்கு பாடிகார்ட் படத்தில் நடிக்கிறேன் என்று சொல்வதில் உண்மை இல்லை. நான் யாருடைய பாணியையும் பின்பற்ற மாட்டேன்.
மொழிமாற்றப் படங்களாக இருந்தாலும் எனக்கென்று தனி பாணி அமைத்து நடிக்கிறேன். ஹிந்திப்படங்களில் நடிக்க எனக்கு ஆர்வம் கிடையாது.
தமிழ், தெலுங்கு படங்களில் முன்னணி நடிகையாக இருக்கிறேன். எனக்கு பிடித்தது சென்னைதான். இதை விட்டு ஹிந்திக்கு போக விருப்பம் இல்லை என்று தெரிவித்துள்ளார்.
0 கருத்துரைகள்:
Post a Comment